Мин тыыннаах киһибин
Дьоннор, миигин таптааҥ!
Өлө иликпинэ, алҕаан,
Өллөхпүнэ өрүкүтүмэҥ!

Сир үрдэ тымныы,
Сылаас тыыҥҥытынан
Абырааҥ тыыннаахпына!
Мин тыыннаах киһибин.

Өлбүттэри - аһыйабын,
Өлө иликтэри - аһынабын.
Аһынабын, тарбаҕым
Титирии тымныйарынан,
Күөмэйим куура хатарынан.

Мин тыыннаах киһибин,
Халлаан дириҥ
Сир урдэ киэҥ
Мунарым өйдөнөр.

Ол эрэн син биир
Хайа да халлаан
Хаһытыыр хараҥатыгар
Дьону аһынар
Дьолу баҕарар
Сырдык сулустаахпын.

Мин тыыннаах киһибин
Мин эһигини аһынабын- 
Абаран хараҕым тымныйыа,
Сирэйим кубарыйыа
Уордайыахпар диэритин.

Мин тыыннаахпын
Аһынар санаа аргыстаахпын
Ол иһин олус дьоллоохпун.

Дьоннор балаамаҥ
Ааттал тылы билбэппин
Ону да сатаабаппын.

Эн иһит,
Ханнык да айыылаах
Айманар дууһалаах,
Кэтэс миигин
Кэлтэй эрэйинэн.

Кэлиэм эйиэхэ
Киһи дууһатын
Күүрдэр мичээрин
Көстубэт сылааһын
Көтөҕөн.

Сүрэхпин уунуом эйиэхэ,
Саарбахтыы, турбакка
Мин тыыннаах киһибин
Дьоннор, миигин таптааҥ!

 Варвара Потапова

"Мой русский язык".

Щедрое народное наследство -
Я люблю красивый наш язык.
На якутском говорю я с детства,
Словно к матери, к нему привык.

Но порой, друзья мои, бывает
В час, когда сижу с пером в руке, 
Новых слов для песни не хватает
Мне в моем не бедном языке.

Жизнь идет словарь опережая
(Сколько новых дел, событий, чувств!),
Мысль свою на русском выражая,
Я у русских многому учусь.

Навсегда вошли без перевода 
Русские советские слова

   В   речь и душу каждого народа 
                                                                 На правах духовного родства.

                                                               Я ко всем наукам ключ имею,
                                                              Я со всей Вселенною знаком,
                                                                 Это потому, что я владею
                                                                      Русским всеохватным языком...

И. Арбита

КҮҺҮН

Күһүн силбигинэн силлиэрдэ,
Сибэкки күлүгүн даҕаны
Сиргэ харахтыырыҥ суох аны,
Күммүт килбигийэ кэмчиэрдэ
Күһүн силбигинэн силлиэрдэ.

Хонууну хаардар үллүйдүлэр,
Сүүрүктээх үрэҕим сүрэҕэ
Толугураан түстэ түгэҕэр,
Көлүйэ күөллэр үлүйдүлэр,
Хонууну хаардар үллүйдүлэр.

Чылыгыр чэҥи тыа таҥынна -
Тэлибир сэбирдэх чараҥ тыа.
Көҥүл көрүлээтэ күтүр тыал,
Сүрэхпит сайынын аҕынна,
Чалыгыр чэҥи тыа таҥынна.

Сааскы санньылҕаммын ахтабын - 
Кэтэһэр кэрэ мунчаарыыны,
Үрүйэни, талах арыыны,
Саргылаах саҥа таптал абын,
Сааскы санньылҕаммын ахтабын.

Билигин бу курус күннэргэ
Доҕорбун ханна тоһуйуомуй?
Тугу долгута хоһуйуомуй?
Санаам үлүгэри үүннэрдэ
Билигин бу курус күннэргэ.

Сыламныыр көмүлүөк түүлүгэр
Хараҥа күлүктэр эбиллэн
Көстө сүөдэҥнэһэн эрэллэр,
Муҥурданным тайҕа түүнүгэр
Сыламныыр көмүлүөк түүлүгэр.

Кынаттааҕым эбитэ буоллар
Тоҕо да сытыамый манна мин...
Хайа эрэ сиргэ билигин
Сааскы күөрэгэйдэр туойаллар?
Кынаттааҕым эбитэ буоллар!